السلام عليكم ورحمةالله
وبركاته
إِنّ الْحَمْدَ ِللهِ نَحْمَدُهُ وَنَسْتَعِيْنُهُ
وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ
أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ
هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا
عَبْدُهُ وَرَسُوْلُهُ اَللهُمّ صَلّ وَسَلّمْ عَلى مُحَمّدٍ وَعَلى آلِهِ
وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ
إِلاّ وَأَنْتُمْ مُسْلِمُوْنَ يَاأَيّهَا النَاسُ اتّقُوْا رَبّكُمُ الّذِي
خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا
رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ
وَاْلأَرْحَام َ إِنّ اللهَ كَانَ عَلَيْكُمْ رَقِيْبًا يَاأَيّهَا الّذِيْنَ
آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ
أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ
فَقَدْ فَازَ فَوْزًا عَظِيْمًا، أَمّا بَعْدُ ...فَأِنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ
مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا،
وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي
النّارِ.
Hadlirin
ihwatul iman rahimakumullah
Kahayang
tuturut munding nyanding dina jati diri manusa, tapi ieu kalakuan kasebat bisa
jadi tercela dina agama Islam lamun nu diturutanana beda jeung urang tina sisi
kayakinan jeung pamikiran komo deui lamun seug nu diturutana perkara ibadah,
aqidah, syi’ar jeung kabiasaan, padahal Rasulullah saw ngalarang pikeun nurutan
migawe tata cara ibadah salain Islam مَنْ تَسَبَهَ قَوْمٍ فَهُوَ مِنْهُمْ “Sing saha Jalma anu nurutan kalakuan
hiji kaum, mangka eta kaum kaasup baturna”. Valentine Day salah sahiji
contoh anu nyata diluar Islam anu dina poe eta aya sabagian kaum muslimin aya anu
pipilueun ngarayakeun, terutama dikalangan para remaja jeung para pamuda.
Padahal Hari Valentine numutkeun salah sahiji versi ensiklopedi eta teh ngaran
hiji pendeta (St. Valentine) nu dihukum mati ku sabab menentang Kaisar Claudius
II nu ngalarang pernikahan di kalangan para pamuda, kusabab kitu perlu kauninga
ku sadaya kaum muslimin ngenaan hukum ngarayakeun peringatan Poe Valentine
atawa nu ilaharna disebut Sebagai Hari Kasih Sayang.
Hadlirin
ihwatul iman rahimakumullah
Ibnu Qoyyim al-Jauziyah
ngadawuh “ Ngawilujengkeun (ngucapkeun) selamat kana ritual jalma-jalma kafir
anu khusus pikeun maranehna, parantos sepakat yen eta pagawean teh Haram
Hukumna, pikeun anu ngucapkeunnana sok sanajan henteu ngajadikeun kakafiran ku
ngucapkeun “Selamat Hari Raya” jeung anu sejenna, eta mangrupa pagawean haram,
sabab ngucapkeun selamat pikeun maranehna eta teh ngarupakeun pagawean pamusyrikan
anu peryogi di hindari ku urang sadayana. Bahkan padamelan kasebat numutkeun
Allah SWT leuwih ageung dosana tibatan maehan. Seueur jalma anu terjerumus kana
hiji pagawean tanpa menyadari gorengna eta pagawean. Sapertos ngucapkeun
selamat ka jalma anu migawe maksiat, bid’ah atawa migawe kakufuran, padahal eta
padamelan teh sarua jeung nyiapkeun diri
pikeun nampi bebendon sareng murka ti
Allah swt.
Syaikh Muhammad al-Utsaimin
nalika di taros ngenaan Hari Valentine, Mantena ngawaler “Ngenaan Hari Raya
Valentine hukumna haram kalayan alesan ;
1. Valentine Day mangrupa Hari Raya Bid’ah anu teu aya dasar
hukumna dina syari’at Islam.
2. Ngarayakeun Valentine Day, hate bakal sibuk ku perkara-perkara
rendahan anu patojaiah jeung petunjuk Allah jeung Rasul-Na sarta para salafus
shalih ra.
Maka eta pagawean haram
dilaksanakeun oge pagawean anu sejena saperti nyadiakeun sarana pikeun suksesna
perayaan kasebut saperti nyadiakeun makan-makan, minum-minum, nyiapkeun baju
pesta husus, silih kirim kado jeung rea-rea deui.
Hadlirin Ahli Jum’ah
Rohimakumullah.
Urang selaku Ummat Islam kudu
nyekel deleg kana aturan anu aya dina Islam, teu perlu nurutan pagawean para
kaum kafirin nu teu puguh dasar hukumna
sabab selaku umat Islam kudu ngalaksanakeun wala’ jeung bara’
(loyalitas kana kamusliman jeung kudu ngajauhkeun diri ti golongan-golongan
kaum kafirin) sarta kudu nurut kana akidah anu dicekel ku para salapus shalih,
nyaeta urang sadaya kedah mikacinta ka jalma-jalma mu’min, jeung mikaceuceub ka
jalma-jalma kafir dina ngalaksanakeun ibadah. Diantara dampak anu goreng lamun
urang pipilieun dina mempopulerkan ritual-ritual maranehna ieu bakal ngahapus
nilai-nilai Islam, ku ngadukung sarta ngalaksanakeun ritual-ritual maranehna,
berarti tos nambahan loba jumlah maranehna pikeun ngadukung jeung nurutan agama
maranehna, padahal urang salaku ummat Islam dina satiap rakaat shalat sok maos
ayat
اِهْدِنَاالصِّراَطَ الْمُسْتَقِيْمَ (۶)
صِرَاطَ الَّذِيْنَ اَنْعَمْتَ عَلَيْهِمْ غَيْرِالْمَغْضُوْبِ عَلَيْهِمْ وَلَاالضَّآلِّيْنَ
(۷)
“Tuduhkeun abdi sadaya kana jalan anu lempeng nyaeta
jalan-jalan anu ku Salira dianugrahi nikmat pikeun aranjeunna, sanes jalana jalma-jalma
anu dibenduan sareng sanes jalan maranehna anu
darolim” (Al-fatihah ayat 6-7).
Pamohalan diijabahna do’a urang sadaya
nyuhunkeun ka Allah swt supaya urang dituduhkeun kana jalan kalakuan
jalma-jalma mu’min, sareng urang sadaya dijauhkeun tina jalan-jalan jalma anu
dlarolim sinareng dibenduan ku Allah swt, tapi urang ngalakukeun pagawean anu
sesat tur nuturkeun kalakuan jalma-jalma anu kalupur, ieu padamelan teh
patojaih sareng dawuh Allah dina al-Qur’an ;
يَآيُّهَاالَّذِيْنَ
ءَامَنُوْالَاتَتَّحِدُوْاالْيَهُوْدَوَالنَّصَارَى أَوْلِيَآءَبَعْضُهُمْ أَوْلِيَآءُبَعْضُ؛وَمَنْ
يَّتَوَلَّهُمْ مِنْكُمْ فَإِنَّهُ مِنْهُمْ؛اِنَّ اللهَ لَايَهْدِى الْقَوْمَ الضِّالِمِيْنَ
He
jalma-jalma anu ariman, aranjeun ulah ngajadikeun pamimpin ti golongan Yahudi jeung Nasrani
sedengkeun tina sabagean maranehna sawarehna jadi pamimpin, sing saha jalma diantara
aranjeun nyieun pamimpin ti golongan Yahudi jeung Nasrani, mangka saenyana jalma-jalma kasebut kaasup golongan
maranehanana, saenyana Allah moal mere pituduh ka jalma-jalma anu dlarolim (al-Maidah 51).
Dina ayat
nu sanes Allah ngadawuh ;
لَاتَجِدُقَوْمًايُؤْمِنُوْنَ
بِاللهِ وَالْيَوْمِ الْآخِرِيُوَآدُّوْنَ مَنْ حَادَّاللهَ وَرَسُوْلَهُ (المجدله
۲۲)
“Moal
meunang nanaon hiji kaum anu iman ka Allah jeung iman kana poe akhir, anu silih pikadeudeuh
(pikaasih) jeung jalma-jalma anu ngalawan ka Allah jeung Rasul-Na”............ ( al-Mujadalah
22)
Hadlirin Ahli Jum’ah
Rohimakumullah.
Ngarayakeun
Hari Valentine mangrupa hiji kasalahan sabab Valentine teh hiji acara ritual
agama sejen, saling pikadeudeuh, ngirim kado sebagai ungkapkeun rasa cinta eta
teh mangarupa pagawean anu hade, tapi
lamun dikaitkeun jeung pesta ritual agama sejen jeung tradisi urang Barat (non
muslim), maka akibatna bakal terobsesi ku budaya jeung gaya hirup penganut
agama di luar Islam, ngalaksanakeun pesta dina poe Valentine lain perkara anu
sapele, tapi leuwih ngagambarkeun pengadopsian nilai-nilai jeung
tradisi-tradisi barat anu henteu mandang normatif dina pergaulan antara lalaki
jeung awewe sahingga dina saat eta nilai sosial maranehanana jadi paburantak
sarta jauh tina aturan agama Islam.
Alhamdulillah
urang sadaya parantos ngagaduhan cara sinareng tuntunan secara Islam, teu perlu
tuturut munding kana kalakuan urang barat, ummat Islam boga aturan kumaha
carana urang numpahkeun kasih sayang, ka Ibu, ka Bapak, ka handaitaulan, sarta
ka Bojo atawa ka Salaki, oge antara para nonoman sinareng wanoja, anu tos diwengku ku aturan agama Islam, henteu
saperti pagawean jalma kafir nu ngagugu kana hawa nafsuna, lamun seug ku urang
diturutan tantu bakal cilaka oge bakal ngagebruskeun kana seuneu naraka.
Mudah-mudahan Allah swt.senantiasa ngajantenkeun hirup urang pinuh ku kasih
sayang anu tulus ikhlas karena Allah nurutkeun aturan agama Islam anu bakal
jadi jembatan pikeun asup ka sawarga, anu lega salegana langit jeung bumi anu
dicawiskeun ku Allah swt keur jalma anu tarakwa, sakumaha di sebatkeun dina
hadits Qudsi anu pihartoseunana “ Kacintaan Kaula dicawiskeun pikeun jalma anu
silih pikaasih karena Allah, jeung saling berkurban karena Allah, silih
anjangan (silaturahmi) oge ngan wungkul karena Allah.
Hadlirin Ahli Jum’ah
Rohimakumullah.
Kasimpulan
tina khutbah ieu dianatarana :
v Ummat Islam teu meunang niru-niru pipilueun ngarayakeun adat
kabiasaan jalma-jalma kafir
v Ngucapkeun selamat kana acara kakufuran atawa ngawilujengkeun kana
kagiatan kama’siatan keur ummat Islam hukumna haram.
v Ngarayakeun Valentine Day haram hukumna pikeun ummat Islam sabab
mangrupa pagawean Bid’ah anu teu aya contona ti Rasulullah saw.
Mudahan-mudahan urang sadayana
salawasna kenging taufik sareng hidayah ti Allah swt.
بارَكَ الله لِيْ وَلَكُمْ
فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ
الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ
لِيْ وَلَكُمْ
Khutbah Kadua:
اَلْحَمْدُ لِلَّهِ الَّذِي تَفَرَّدَبِالْعِزِّوَالْجَلاَلِ
أَشْهَدُ أنْ لاَ إلَهَ إلا اللهُ وَحْدَهُ لاَ شَرِيْكَ لَهُ الَّذِىْ تَوَحَّدَ
باِلْكِبْرِيَآءَوَالْكَمَالِ. وَأشْهَدُ أنَّ مُحَمَّدًا عَبْدُه’ورَسُولُهُ
الدَّاعِىْ اِلىَ اَشْرَفِ الْحِصَلِ
.اَللّهُّمَ صَلِّ عَلٰى مُحمَّدٍ وَعَلىﺁلِهِ
وَاَصْحَابِه ذَوِى الْعُلُوْمِ وَاْلاِفْضَالِ اَمَّا بَعْدُ يَاأَيُّهَا الَّذِينَ آمَنُوْا
اتَّقُوا اْلله َحَقَّ تُقَاتِهِ وَلا تَمُوْتُنَّ إِلا وَأَنْتُمْ مُسْلِمُون.اَللّهُمَ اغْفِرْلِلْمُسْلِمِيْنَ
وَالْمُسْلِمَاتِ,وَالمُؤْمِنِيْنَ وَالمُؤمِنَاتِ, اَلاحْيَاءُ مِنْهُمْ
وَالاَمْوَاتْ,الّلهُّمَ وَاَيِّدِ الاِسْلاَمْ وَاَدِمْ رِفْعَتَهُ وَظُهُوْرَهُ
وانْصُرْكَلِمَةِ اْلاِيْمَانِ وِاَتِمْ لَنَانُوْرِهِ.يَامَالِكَ الدِّيْن
وَالدُّنْيَاوَالاۤخِرَاةِ. بِرَخْمَتِكَ يَااَرْحَمَ الرّحِمِينَ وَالحَمْدُلله
رَبِّ العَالَمِينْ.
Ditulis: Tatang Zaenal Mustofa
Wakil Ketua PD PUI Kabupaten Ciamis
Tidak ada komentar:
Posting Komentar